នៅរសៀលថ្ងៃព្រហស្បតិ៍ ១១កើត ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៩ ខែមករា ឆ្នាំ២០២៦ ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធី WAT4CAM ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម បានបន្តដឹកនាំក្រុមការងារបច្ចេកទេស អញ្ជើញចុះពិនិត្យវឌ្ឍនភាពការងារគម្រោងជួសជុលប្រព័ន្ធធារាសាស្ត្រទឹកក្រហម ស្ថិតក្នុងភូមិសាស្ដ្រខេត្តព្រះវិហារ។

ក្នុងឱកាសនោះ ឯកឧត្តមរដ្ឋលេខាធិការ បានណែនាំដល់ភាគីពាក់ព័ន្ធទាំងអស់បន្តសហការជាមួយក្រុមការងារសាងសង់ និងទីប្រឹក្សាបច្ចេកទេស និងចូលរួមសហការគ្នាក្នុងការគ្នាថែទាំប្រព័ន្ធធារាសាស្រ្តឱ្យបានគង់វង្សធានាបាននិរន្តរភាពយូរអង្វែង ព្រមទាំងបន្តយកចិត្តទុកដាក់សន្សំសំចៃទឹកសម្រាប់ការប្រើប្រាស់ក្នុងរដូវប្រាំង៕